UMnu. Cyril Ramaphosa basahlolisisa uhlelo lwakwabelana umhlabathi kwele Zimbabwe lamanye amazwe ukwenzela ukuthi benze uhlelo olulohlonzi kwele South Africa.
URamaphosa, okwele Zimbabwe lapho axoxisana khona loMongameli Emmerson Mnangagwa ngezombusazwe, ezamabhizimusi lezokwaba umhlabathi, uthi ubona engani bakwenza uhlelo oluphakeme kwele South Africa.
Uthi okwamanje ibandla elibusayo kwele South Africa likhulumisana lamabandla aphikisayo ngohlelo lokwaba umhlabathi kulelolizwe.
“Kulokuxoxisana ngodaba lokwaba umhlabathi phakathi kwabantu lamalunga edale lephalamende. Sikhulumisana kakhulu labantu abasemazweni atshiyaneyo ngohlelo lolu ukwenzela ukuthi siphume lohlelo oluphakeme.
“Ngokunjalo, sizabe sibe sihlolisisa uhlelo lweZimbawbe lokwaba umhlabathi njalo lakwamanye amazwe. Sizaluhluza udaba lolu labantu njalo lakudale lephalamende size siphume lohlelo oluphakeme. Sakwenza lokhu sibumba isisekelo sombuso welizwe sivimba inkethabetshabi ngakho-ke lalokhu sizakuphutsha kahle.”
Umhlabathi ovundileyo omnengi kwele South Africa usezandlela zabamhlophe.
Abantu abanengi bathi ukuthathela abamhlophe umhlabathi kwele Zimbabwe kusukela ngomnyaka ka2000 yikho okwenza kwaphose kwabhidlika umnotho welizwe.