Obengunobhala jikelele webandla le MDC elikhokhelwa nguMnu. Welshman Ncube, uNkosikazi Priscillah Misihairambwi Mushonga usetshiye isikhundla lesi esithi usabambekile ngeminye imisibenzi yempilweni yakhe.
Kodwa uthi yena uzaqhubeka elilunga lebandla leli okutsho ukubana uzaqhubeka elokhu elilunga ledale lephalamende emele isigaba seMatababeleland South.
Phansi kwesisekelo sombuso webandla leli, obengumskeli wakhe, uMnumzana Moses Mzila Ndlovu nguye osezahle athathe lesi sikhundla sokuba ngunobhala jikelele webandla leli.
Umsekeli kamongameli webandla, uMnu. Edwin Mushoriwa utshele iStudio Seven ukuthi bamukele incwadi yokutshiya isikhundla kukanobhala wabo ngokudana okukhulu ngoba engumuntu osebenza kuhle labanye njalo esebenza nzima.
Imizamo yokukhulumisana lonkosikazi Mushonga ukuthi atsho laye icele lakhe ukuthi vele uthatha leli nyathelo ngasizatho bani, yehlule.