Uphenyo olwenziwe yinhlanganiso ezimeleyo eyeSwissAid luveza ukuthi eleZimbabwe ngelinye lamazwe aseAfrica ahamba phambili ekwebiweni kwegolide elikhitshwa elizweni ngudlu lisiyathengiswa emazweni agoqela eleUnited Arab Emirates.
Igolide elebiwayo leli, kutsho linhlanganiso, libiza amabhiliyoni asuka kwangamatshumi edlula kancane amabili, US$23.7 billion kusiya kumabhiliyoni edlula amatshumi amathathu, US$35 billion ngomnyaka.
Amanye amazwe okuthiwa ahamba phambili ekuhuquluzweni kwegolide eAfrica agoqela eleMali leleIvory Coast.
Uphenyo lolu luza ngemva komnyaka umsakazo kamabonakude oweAljazeera wethule ifilimu eyaveza sobala ukuthi igolide leZimbabwe liyantshontshwa yisiphathamandla zikahulumende ezigoqela umndeni kaMongameli Emmerson Mnangagwa.
Umphathintambo obona ngokwethulwa kwemibiko uMnu Jenfan Muswere uyakulandula ukuthi uMongameli Mnangagwa labanye bakhe kuhulumende baphathekile kuloludaba.
Umkhokheli wenhlanganiso yeMatabeleland Institute for Human Rights uMnu Khumbulani Maphosa utshele iStudio 7 ukuthi ababusi, okuyibo abahamba phambili kundaba zokuhuquluza inobho yeAfrica, baphiwa igunya ngabantu makhaza ngoba kuyibo abaqhubeka bebavotela.
Your browser doesn’t support HTML5
Udaba Lokwebiwa Kwegolide Ngokugcweleyo