UNkosikazi Mathuthu ukhulelwe ngemva kokulwisana lomkhuhlane wemvukuzane yesibeletho okwesikhathi eside.
Ngesikhathi ebhubha ubengumsekeli kanobhala jikelele wohlangothi lwabesifazana olwe Women’s League eye Zanu PF.
Amalunga aweZanu PF abeze ukuzonanza usuku lwamaqhawe eNkulumane Provincial Heroes acre aveze ukudana ngokubhubha kwakhe. Omunye wabo nguSibalukhulu wako Bulawayo uNkosikazi Angeline Masuku uthi bazacela uMongameli Emmerson Mnangagwa ukuthi amuphe inhlinipho yeqhawe lesizwe.
"Thina njengabomama kuyisicelo kithi ukuthi umama uMathuthu ahlonitshwe njengeqhawe".
Ilunga lepolitburo le Zanu PF umnumzana Abasalom Sikhosana umchaze njengomuntu obelozwelo ethanda isizwe njalo ukudlula kwakhe bebengakulindele.
Ukuhamba kukamama uMathuthu kusidabule kakhulu njalo ubengumuntu obethanda isizwe sakhe elomusa onkhulu ebantwini bonke.
Omunye owaphila lonkosikazi Mathuthu empini bephansi kweviyo lebtho ele Zipra, unkosikazi Judith Ncube uthi balahlekelwe kakhulu.
"Silahlekelwe kakhulu njalo kuqondile ukuthi uMathuthu ahlonitshwe njengeqhawe".
UNkosikazi Molly Mpofu-Ndlovu uthi kaginyi amazwi ngesicelo sakhe sokuthi aphiwe inhlonipho yokuba liqhawe lesizwe elizagcwatshwa eNational Heroes Acre.
Sizizwa silahlekelwe njalo ngifisa ahambe ku national heroes, ngoba silwe laye kakhulu impi njalo siyacela ukuthi ayengcwathselwa eheroes acre, singakujabulela kakhulu lokhu.
Umnumzana Andrew Ndlovu laye omunye owaphila wasebenza loMathuthu uthi ubengumuntu okhutheleyo.
Sisebenzele laye kakhulu ekhuthele kakhulu njalo ethanda inqgubela phambili.
Umnumzana Jonathan Mathuthu umka muyi ubike ukuba ubhubhele emzini wabo eHarare lamhlanje ekuseni ngakhoke akula okunengi osokuthe kwaphuma ngamalungiselelo womngcwabo wakhe.
Umuyi owathetshulwa yingwe ngomnyaka ka1968 ngenyanga kaNhlangula, usebenzele ibandla leZanu PF ephatha izikhundla ezehlukeneyo lasedaleni lephalamende leleSenate kanye lakuhulumende.
Your browser doesn’t support HTML5
Udaba lokubhubha kukaNkosikazi Thokozile Mathuthu siluphiwa nguBathabile Masuku