Ibandla lama Democrats linqobe elama Republicans ngoLwesibili kukhetho lokudinga usibalukhulu wesabelo seKentucky okuyindawo yama Republicans.
Ibandla lama Democrats liphinde lanqoba elama Republicans kukhetho lwabazamela izabelo zeVirginia. Le njalo yindawo yama Republicans.
Ama Democrats athi avotelwe nguzulu ngenxa yokuthi uMongameli Donald Trump ukhanya ethanda ukulwiswana labantu.
Ama Republicans athi azavusa inkophe bazame ukukhanga abantu ukuthi bavotele uTrump labanye bakhe kukhetho oluzakwenziwa ngomnyaka ka2020
Kukhetho lokudinga usibalukhulu wesabelo seKentucky, uMnu. Andy Beshear unqobe obengusibalukhulu uMnu. Matt Bevin webandla lama Republicans.
Uthabe okumangalisayo ubeshear. “Abantu baphume ngobunengi babo ukuzevotela abakufunayo. Sizalethulela ibudget ezalungisa ezemfundo lokunye okutshiyeneyo. Lokhu akusikho kwezombangazwe. Lokhu ngokokuthi ngibe ngusibalukhulu kazulu eKentucky.
UMnu. Tom Perez, umgcinisihlalo wekhomithi ebona ngokwenzakala kubandla lama Democrats, uthi benze kahle kukhetho olusanda kwenziwa endaweni ezinengi.
“Kunqobe uzulu. Sifuna ukulungisela abantu abakufunayo. Kunengi okumele sikwenze ngesikhathi esizayo.”
UMnu. Bevin walile ukwamukela impumela yokhetho lolu esithi bazahlolisisa amavoti kazulu bethule abakubonayo kungagqitshwa lokhu.
Kodwa wathi uzakwamukela okuzaphuma kukhetho lolu engakayi kukhetho olwenziwe ngoLwesibili.
“Ngizakwamukela impumela yokhetho lolu nxa kwenziwe ngemfanelo. Sifuna ukuthi abantu bathakazelele ukhetho lolu.”
Your browser doesn’t support HTML5
Udaba Esilethulelwe NguGibbs Dube