Inkokheli zamazwe akuzwekazi leAfrica ezigoqela uMongameli Robert Mugabe, zilokhu zikhuthaza ukuthi umanyano wamazwe omhlaba oweUnited Nations uguqule ugatsha lwawo olubona ngezomvikela olweSecurity Council ukuthi lugoqele amazwe athuthukayo ezihlalweni ezipheleleyo ezi permanent, kulokuthi kube lawe China, Britain, France, Russia, kanye leleMelika kuphela.
Ekhuluma emhlanganweni weUnited Nations osaqhubeka eNew York khonapha eMelika, uMongameli Mugabe uchothoze amazwe aphetsheya ngokunengi-nengi okugoqela ukwethesa eleZimbabwe izijeziso, ukugcizelela ukuthi amazwe wonke ananze amalungelo ezitabane, waphinda wagcizelela ukuthi kufanele amazwe wonke asebenzelane ndawonye ikakhulu kwezomnotho ukwenzela ukuthi amazwe eAfrica lawo athuthuke.
Umgcinisihlalo weAfrican Union Commission uNkosazana Dlamini Zuma, ngomunye wabasekela umbono kamongameli Mugabe ngodaba lweSecurity Council.
Your browser doesn’t support HTML5
Lalela Amazwi KaNkosazana Dlamini Zuma
Kusenjalo, isikhulumeli sebandla leMDC elikhokhelwa nguMnu. Morgan Tsvangirai uMnu. Obert Gutu uthi ibandla lakhe liyasekela ukuthi kube lenguquko kuUnited Nations Security Council, kodwa okuqakathekileyo yikuthi amazwe eAfrica, agoqela eleZimbabwe aqale ngokulondoloza amalungelo oluntu.
Ngakwelinye icele, ilunga ledale yeCentral Committee kubandla leZANU PF uMnu. Joseph Tshuma uthi inkulumo kaMongameli Mugabe emhlanganweni weUnited Nations iyancomeka.
Your browser doesn’t support HTML5
Ingxoxo LoMnu. Joseph Tshuma
Umphathintambo wogatsha lukahulumende olwezempilakahle uDokotela David Parirenyatwa, osemhlanganweni weUnited Nations uthi ugasha lwakhe lukhankasela ukuthi eleZimbabwe lithole imali yokuthuthukisa inhlelo zempilakahle elizweni.