Uhulumende weZimbabwe ubika ukuba kulomuntu ovele kwele Thailand oselaliswe esibhedlela seWilkins Hospital eHarare ocatshangelwa ukuba ulegcikwane leCoronavirus.
Uhlangothi lukahulumende olubona ngokwethulwa kwemibiko luthi umuntu lo uzihambele kwesinye isibhedlela eHarare wasehanjiswa eWilkins Hospital.
Badinga indlela zokuhlola abantu abacatshangelwa ukuthi balomkhuhlane weCoronavirus. (Photo: Mavis Gama)
Uhlangothi lolu, olwethule umbiko lo ebulenjini bokuxhumana obeTwitter, ithi umuntu lo usahlolisiswa igazi lakhe ukuze kubonakale ukuba ulomkhuhlane lo kumbe hatshi.
Luphinde lwabika njalo ukuthi kulomuntu ohlala eMasvingo owethekelela kwele Dubai obecatshangelwa ukuba ulegcikwane leli. Kutholakale ukuthi igazi lakhe kalilagcikwane leCoronavirus.
Obona ngokuvinjwa kokumemetheka kwemikhuhlani kuhlangothi lwezempilakahle kuhulumende, uDokotela Portia Mananganzira uthi eleZimbabwe lizama ngamandla wonke ukuthi livikele uzulu kumkhuhlane lo.
Your browser doesn’t support HTML5
Ingxoxo Esiyenze LoDokotela Portia Mananganzira
Uthi sokuzavulwa ezinye indawo zokuhlola abantu abacatshangelwa ukuthi bale coronavirus.
Badinga indlela ezibalulekilayo zokwelapha abantu abalegcikwane leCoronavirus. (Photo: Mavis Gama)
Kodwa kulabanye abanjengo Mnu. Ambrose Sibindi abathi ele Zimbabwe kalizimiselanga ukuvimba umkhuhlane weCoronavirus.
Kusenjalo, abantu abanengi kabasavunyelwa ukusuka kwezinye indawo kwele Italy kulandela ukuqhamuka komkhuhlane weCoronavirus.
Lokhu kwenzakala ngesikhathi umkhuhlane lo usuqhamuke endaweni ezinengi kwele Melika okugoqela isigodlo selizwe leli iWashington DC.
Your browser doesn’t support HTML5
Ingxoxo Esiyenze LoMnu. Believe Gaule
Umkhuhlane lo owaqhamuka kwele China usubulele abantu abedlula inkulungwane ezintathu lengxenye – 3,500. Kulabantu abedlula ikhulu asebebanjwe ngumkhuhlane lo emhlabeni wonke jikelele.