Ugatsha lweZimbabwe National Statistics Agency luthi intengo yezinto yehlile nge 0.08% ngenyanga edluleyo.
Kodwa abanengi bathi lokhu akutsho lutho kibo ngoba beqhubeka bethwele gadalala ngokubhidlika komnotho.
Omunye wabantu laba nguMnu Bambanani Dube ongu-security guard koBulawayo.
UDube kenelisi ukuphila kuhle ngeholo lakhe. "Umumo mubi kakhulu elizweni; abantu bayahlupheka. Mima imali engiyiholayo vele ayingisi ndawo," kutsho uDube.
Sixhume njalo usomabhizimusi uMnu Busani Ngwenya, yena othengisa insimbi zemota koBulawayo.
"Izinto azimanga kuhle elizweni, ngalokho ibhizimusi yami ayisahambi kulezinsuku," kutsho uNgwenya.
Ukuhlaziya loludaba sixhume ingcwethi kwezombusazwe uMnu Dumisani Nkomo yena othe uhulumende kumele ethule imithetho ehuga osomabhizimusi bakwamanye amazwe.