Umongameli Robert Mugabe useze wethula umbiko othi ilizwe likusimo sokonakala ngenxa yendlala, eseState of Disaster .
Umphathintambo wezabelo, uMnu. Saviour Kasukuwere, wethule lumbiko emmele uMugabe wathi umbiko lo kumele uqale ukusetshenziswa kusukela ngoLwesibili.
Amalunga edale lephalamende awamabandla aphikisayo abelokhu esithi uMongameli Mugabe kumele athathe lelinyathelo kusukela ngomnyaka ophelileyo kusukela kubonakala ukuthi iziphala zesizwe ziphumumi ngenala kodwa yena ubelokhu esala.
Ngomnyaka ophelileyo ilizwe lathola amabele ayisisindo samathani azinkulungwane ezingamakhulu ayisikhombisa, 700 000 tonnes lona ilize lifuna amabele angamathani ayisigidi esisodwa lenkulungwane ezingamakhulu ayithoba minwe mibili, 1 800 000 tonnes ngomnyaka.
Inhanganiso eziphathisa uzulu ngokudla zithi kulabantu abayizigidi ezintathu, three million, abadinga uncedo lokudla elizweni njalo lelinanai likhangelelwe ukuqansa kulandela ukungani kwezulu.
Ingcwethi kwezokulima, uMnu. Mandla Nkomo utshele uChris Gande we Studio Seven ukuthi isinqumo esithethwe nguMugabe silakho ukuphathisa lanxa ephuzile ukusethula.
"Lanxa ubesephuzile ukwethula lumbiko linyathelo elibukekayo leli aselithethe umongameli Mugabe, ngoba iState of Disaster iyavumela ilizwe ukuthi lenelise ukuyacela kwezinye indawo uncedo lokudla ngoba nxa kucelwa emazweni akhatshana njengaboBrazil kuzathatha isikhathi eside ukuthi luze lufinyelele eZimbabwe ngemikhumbi, yikhonje ngisithi uphuzile umunt'omdala ukuthatha leli nyathelo"
Your browser doesn’t support HTML5
Umongameli Robert Mugabe wethula umbiko weState of Disaster