Umuyi uRobert Mugabe, wabhubha elezigidi ezilitshumi zamadola - $10 million, imota ezilitshumi, ipulazi lezindlu ezinengi kodwa engelagwalo oluveza ukwabiwa kwelifa lakhe.
Lokhu kuvele emthethwandaba lapho indodakazi yakhe, uBona, ethule khona inotho kayise kulandelwa imithetho yokwaba ilifa.
Iphephandaba leHerald libika ukuthi amagqwetha kamuyi lokhu edinga ugwalo lokwaba ilifa leli lobanje kukhanya engani kalobanga lutho oluveza abantu abazakwabelana impahla yakhe.
Kubikwa ukuthi nxa lungatholakalanga ugwalo lolu, ilifa lika Mugabe lizathathwa ngumkakhe, uGrace Mugabe, labantwana bakhe.
IWikileaks yake yabika ukuthi uMugabe ulenotho edlula kancane ibhiliyoni lamadola lemali efihlwe kwamanye amazwe. UMugabe wabhubha engakhulumanga ngodaba lolu.