UMongameli Mugabe ufike eMelika ngoLwesithathu elanda umhlangano weUnited Nations General Assembly lapho okuzakhuluma khona umkhokheli weRoman Catholic Church uPope Francis ngoLwesihlanu.
UMugabe uhamba loNkosikazi wakhe uGrace labaphathintambo bakahulumende abagoqela obona ngobudlelwano beZimbabwe lamanye amazwe uMnu Samuel Mumbengegwi lobona ngendaba zempilakahle uMnu David Parirenyatwa.
Abakhokheli bamazwe womahlaba bakhangelelwe ukukhuluma ngezimiso zamaMillenium Development Goals lokunye okutshiyeneyo okugoqela indaba zentuthu
Emihlanganweni yeUnited Nations General Assembly, uMongameli Mugabe uvame ukuhlambaza amazwe angentshonalanga afana leMelika leBhilithani.
Ingcwethi kwezombuzazwe zithi ulakho ukuqhubeka ngomkhuba wakhe emnhlanganweni walonyaka.
"Ngibona angani umbiko kaMugabe kuUnited Nations General Assembly lonyaka uzabe ufana nje leminyaka emihlanu edlulileyo," kutsho ingcwethi kwezombusazwe uMnu Nkululeko Sibanda.
"Uzakhuluma ngokuthi ukungezwani okukhona emhlabeni kubangelwa ngamazwe angentshonalanga."
Your browser doesn’t support HTML5
Ingxoxo loMnu Nkululeko Sibanda