WASHINGTON DC —
Abakhokheli bamacele womabili eMDC babanjiswe ilitshe nguMongameli Mugabe ngoLwesihlanu bamlinda ehofisini yakhe okwamahola amathathu ukuthi bakhulumisane ngokuhluphayo kuhulumende, kodwa baze bazihambela bengabonananga laye.
UMnu Welshman Ncube lequla lakhe, eligoqela uNkosikazi Priscilla Misihairabwi-Mushonga, uMnu Morgan Tsvangirai lequla lakhe eligoqela uMnu Eric Matinenga loMnu Tendai Biti bahambe eState House ukuyahlangana loMugabe bafika balinda besalinda.
Injongo yomhlangano lo ibingeyokukhulumisana ngodaba lokhetho. UNcube, loTsvangirai lamaqula abo bacine bezihambela ngemva kwamahola amathathu uMugabe lequla lakhe leZanu PF bengabuyanga.
AbeMDC laba bathi okubacunulileyo yikuthi akulangcazelo abayiphiweyo ukuthi kungani uMugabe engasabuyanga khona bekuvunyelwene ngaphambilini ukuthi kuqhutshwe lumhlangano.
Isikhulumeli seMDC kaNcube uMnu Nhlanhla Dube usole kakhulu isenzo lesi.
UMnu Welshman Ncube lequla lakhe, eligoqela uNkosikazi Priscilla Misihairabwi-Mushonga, uMnu Morgan Tsvangirai lequla lakhe eligoqela uMnu Eric Matinenga loMnu Tendai Biti bahambe eState House ukuyahlangana loMugabe bafika balinda besalinda.
Injongo yomhlangano lo ibingeyokukhulumisana ngodaba lokhetho. UNcube, loTsvangirai lamaqula abo bacine bezihambela ngemva kwamahola amathathu uMugabe lequla lakhe leZanu PF bengabuyanga.
AbeMDC laba bathi okubacunulileyo yikuthi akulangcazelo abayiphiweyo ukuthi kungani uMugabe engasabuyanga khona bekuvunyelwene ngaphambilini ukuthi kuqhutshwe lumhlangano.
Isikhulumeli seMDC kaNcube uMnu Nhlanhla Dube usole kakhulu isenzo lesi.