UMongameli Mugabe sesalelwe ngamalanga amabili kuphela ukuthi ahlele ilanga lama by-elections edale lephalamende njengokulaya komthethwandaba weSupreme Court.
Umthethwandaba lo ulaye uMugabe ngenyanga edluleyo ukuthi kusiyafika mhlaka 30 kulinyanga, abe setshilo ukuthi ukhetho lokudinga abammeli bezigaba ezithi iBulilima East, Lupane East leNkayi South, luzakwenziwa nini.
UMugabe uhanjiswe emthethwandaba ngababemela lezindawo, uMnu Abednico Bhebhe, uMnu Njabuliso Mguni loMnu Norman Mpofu ngemva kokuxotshwa kuMDC ekhokhelwa nguMnu Welshman Ncube.
Emhlanganweni awenze lentathelizindaba eHarare ngoMvulo, umphathintambo wezemali, uMnu Tendai Biti uthe imali yokwenza amaby-elections la ayikho, okuyisizatho uMugabe ahlezi esipha.
Umhlaka 30 kungoLwesine kuliviki. Yena uMugabe usuke elizweni ngeSonto elubhekise kwele-Iran ukuyangena umhlangano weNon-Aligned Movement.
Njengoba iSupreme Court ingumthethwandaba omkhulu okwedlula yonke imithethwandaba elizweni, akula lapho uMugabe angaphikisa khona lesisinqumo, njalo kumele asilandele.
Kodwa ingcwethi ecubungula ezombusazwe uMnu Effie Dlela Ncube uthi uMugabe ulakho ukungasilandeli isinqumo lesi.
Umthethwandaba lo ulaye uMugabe ngenyanga edluleyo ukuthi kusiyafika mhlaka 30 kulinyanga, abe setshilo ukuthi ukhetho lokudinga abammeli bezigaba ezithi iBulilima East, Lupane East leNkayi South, luzakwenziwa nini.
UMugabe uhanjiswe emthethwandaba ngababemela lezindawo, uMnu Abednico Bhebhe, uMnu Njabuliso Mguni loMnu Norman Mpofu ngemva kokuxotshwa kuMDC ekhokhelwa nguMnu Welshman Ncube.
Emhlanganweni awenze lentathelizindaba eHarare ngoMvulo, umphathintambo wezemali, uMnu Tendai Biti uthe imali yokwenza amaby-elections la ayikho, okuyisizatho uMugabe ahlezi esipha.
Umhlaka 30 kungoLwesine kuliviki. Yena uMugabe usuke elizweni ngeSonto elubhekise kwele-Iran ukuyangena umhlangano weNon-Aligned Movement.
Njengoba iSupreme Court ingumthethwandaba omkhulu okwedlula yonke imithethwandaba elizweni, akula lapho uMugabe angaphikisa khona lesisinqumo, njalo kumele asilandele.
Kodwa ingcwethi ecubungula ezombusazwe uMnu Effie Dlela Ncube uthi uMugabe ulakho ukungasilandeli isinqumo lesi.
Your browser doesn’t support HTML5
Ingxoxo LoMnu Effie Dlela Ncube