Umtshutshisi omkhulu wesizwe, uMnu. Johannes Tomana uphiwe ithuba lokuhlawula imali yesibambiso, ibail, amadola angaba yinkulungwane eyodwa ngemva kokubotshwa izolo esetheswa icala lokukhulula amadoda amabili entilongweni abesetheswa icala lokufuna ukubhomba ipulazi likaMongameli Mugabe.
UTomana, obengabotshwanga ngezankosi, ulethwe emthethwandaba ngemota kade igcwele amapholisa ahlome ngemibhobho. UTomana wetheswa icala lokukhulula ababili abayingxenye yabane okuthiwa Zimbabwe People’s Front ababotshwe ngeviki edluleyo besetheswa icala lokuzama ukuyabhomba iplazi le Alpha Omega Dairy eMazoe ngamabhomba epetulo.
Ababili ababotshwa lomkhokheli walelibandla ngamasotsha. Ingcwethi kwezombusazwe zithi ukubotshwa kukaTomana kungaba kutshengisa ukudonselana amandla kwamaxuku akubandla leZanu PF.
UTomana ucatshangelwa ukuthi ukuxuku elikhokhelwa ngumsekeli kamongameli, uMnu. Emerson Mnangagwa. Kodwa uTomana ngomnyaka odluleyo uke wathiwa ngumthethwandaba engekela ukuvuma ukuthi icala eletheswa elinye ilunga leZanu PF, uMnu. Munyaradzi Kereke lithoniswe engabotshwa.
Ukuhlaziya loludaba sixoxe lobona ukuqoqwa inhlelo zebandla leMDC-T, uMnu. Abednico Bhebhe othi loludaba lutshengisela ukudabuka kwebandla leZanu PF.
Your browser doesn’t support HTML5
Ingxoxo loMnu. Abednicho Bhebhe
Kunjalo nje abane laba ababotshwayo bebesemthethwandba namhla lapho okuthiwe icala labo lizathoniswa ngeviki ezayo. UGibbs Dube weStudio Seven uxoxe legwetha njalo owake waba ngumtshutshisi wesizwe, uMnu. Sobuza Gula Ndebele ukuze sizwe imbono yakhe ngaloludaba.
Your browser doesn’t support HTML5
Ingxoxo loMnu. Sobusa Gula Ndebele