Umphathintambo wezemali uMnu Mthuli Ncube uthi eleZimbabwe lidinga imali engangeUS$2 billion yokubhadala izikwelede zalo kumabhanga afana leWorld Bank, African Development Bank kanye leEuropean Investment Bank.
Uthi ukubhadala izikwelede lezi kuzabangela ukuthi uhulumende enelise ukuboleka enye njalo imali azayisebenzisa kunhlelo zokuthuthukisa umnotho, wona oqhubeka usadalala.
UNcube wethule amazwi la ngoLwesihlanu enkundleni yokuxhumana eyeZoom esemhlanganweni weInternational Monetary Fund eMelika.
Uthe uhulumende uphakathi kokukhulimisana lamazwe ambalwa anothileyo ukuze ephathise ngalimali, i-sponsorship ngesingisi.
Ibhanga leAfrican Development Bank lithi izikwelede zeZimbabwe nxa zihlangene zonke ezaphandle lezaphakathi kwelizwe zingamabhiliyoni phose angamatshumi amabili, US$17.5 billion.
Ukuhlaziya amazwi kaNcube sixoxe lengcwethi kwezenotho uMnu Reggie Shoko yena othi kuzaba nzima ukuthi iZimbabwe ithole limali ngoba amabhanga aomhlaba engasayithembi ngenxa yezikwelede zayo.
Your browser doesn’t support HTML5
Ingxoxo loMnu Reggie Shoko