Inhloko kahulumende uMnu Morgan Tsvangirai uthi isilinganiso esingamatshumi amahlanu ekhulwini amankampani akwamanye amazwe abanjwa ngamandla ukuthi asithengisele osomabhizimusi beZimbabwe abensundu sikhulu kakhulu.
UMnu Tsvangirai uthi lanxa isilinganiso lesi singaze sehliswe sifike kumatshumi amathathu kuphela siyabe lokhu siphezulu kakhulu.
Inhloko kahulumende yethule amazwi la emhlanganweni wezokulima oqhutshelwe eJohannesburg kweleSouth Africa ngoMvulo.
IMDC kaTsvangirai ithi izakwethula olwayo uhlelo lokuthuthukisa ezenotho kunsukwana ezizayo ngoba ingasekeli umthetho weIndigenisation wona osungulwe yiZanu PF.
Ekhuluma ngeSonto emhlanganwei awenzele eMarondera, uTsvangirai uveze insolo efanayo ngalumthetho esithi uxotsha osomabhizimusi bakwamnaye amazwe elizweni.