Umphathintambo wogatsha lukahulumende olubona ngezemali uMnu. Patrick Chinamasa uthi uhulumende useqalisile ukulungiselela ukuthatha isikwelede sebhanga lelizwe eleReserve Bank esifika phose kumadola ayizigidi ezingamakhulu ayisithupha-596 million dollars ukuthi sibe ngumlandu wakhe.
Uthi lokhu kungezakala, ilizwe lizakuba lenani lesikwelede esedlula amadola angamabhiliyoni ayisikhombisa ngaphandle kwelizwe kanye lebhiliyoni elilodwa elizweni.
UMnu. Chinamasa ubefunda okwesibili ugwalo lomthetho oweReserve Bank Debt Assumption Bill ngoLwesibili edale lephalamende ebelivulwa okwakuqala okwawonalo umnyaka.
Wengezelele wathi ugatsha lwakhe lwetreasury soluqalisile ukuhlolisisa lesisikwelde njalo uhulumende ukhangelele ukusibhadala ngendlela ezitshiyeneyo, ezigoqela inhlelo zakhe zetreasury bills.
Kodwa uMnu. Masimba Kuchera, ingcwethi ecubungula ezombusazwe utshele uSithandekile Mhlanga weStudio 7 ukuthi lokhu akusoze kuncedise ukuthuthukisa umnotho welizwe.
Your browser doesn’t support HTML5
Ingxoxo LoMnu. Masimba Kuchera