Izakhamizi zakoBulawayo zithi umthetho olawula ukusebenza kwamakampani kahulumende obunjwayo kumele ucace ekuthini iziphathamandla eziphatheka emisebenzini yenkohlakalo zizajeziswa njani.
Lokhu kuvele emhlanganweni oqhutshelwe kulelidolobho ngoLwesihlanu yikomidi yephalamende ebona ngezemali.
Umhlangano lo ubujonge ukuthapha imbono kazulu phezu kwePublic Entities Corporate Governance Bill.
Abakhulume emhlanganweni lo bathe kuqakathekile ukuthi umthetho lo uveze obala ukuthi amakampani kahulumende kumele akhokhelwe njani ukuze kwenqatshelwe inkohlakalo.
Omunye wabo uMnu Justice Zvaita.
“I-Bill leli ngibona angani yikudlala ngesikhathi ngoba alilakho okubambekayo okungenza zithi hayi mpela icorruption izaphela,” kutsho uMnu Zvaita.
Esinye njalo isakhamuzi uNkosikazi Sithabile Hlongwane uthe amalunga amaboard kumele aqatshwe njengazo zonke izisebenzi, khona ezazizwa elomlandu wokusebenza ngobuqotho.
I-Public Entities Corporate Governance Bill ithi omabhalane bamankampani kahulumende kabamelanga babe ngamaBoard members amankampani la.
Ithi njalo umuntu oyedwa kamelanga abe lilunga lamaboard amankampani kahulumende edlula amabili.
Yenqabela njalo abakhokheli bamankampani kahulumende ukuhlala ezikhundleni okwedlula iminyaka emihlanu.
Your browser doesn’t support HTML5
Udaba Siluphiwa nguBathabile Masuku