Umqondisi wogatsha lukahulumende olubona ngokulondolozwa kwemvelo olweEnvironmental Management Agency, uMnu Aaron Chigona, umiswe enkantolo kamantshi ngoLwesithathu esetheswa icala lenkohlakalo kulandela ukubotshwa kwakhe ngamapholisa eAnti-Corruption Commission.
Abatshutshisi batshele umthethwandaba ukuthi uChigona wadala icala ngokupha inkampani yeBorrowdale Investments Private limited incwadi yokusebenza, eyeEnvironmental Impact Assessment certificate.
UChigona ukhululwe ngemali ye-bail engamakhulu amathathu amadola aseMelika, US$300 njalo uzaphenduka emthethwandaba mhlaka 28 ngenyanga ezayo.
UChigona uba ngomunye weziphathamandla zikahulumende esezibotshiwe zisetheswa amacala enkohlakalo.
Ukhansila kaWard 25 koBulawayo uMnu Aleck Ndlovu utshele iStudio 7 ukuthi lanxa zikhona iziphathamandla zikahulumende esezibotshiwe phezu kwenkohlakalo, kunengi okusamele kwenziwe ukuze kuqedwe inkohlakalo elizweni.
Your browser doesn’t support HTML5
Ingxoxo loMnu Aleck Ndlovu