WASHINGTON DC —
Abalandeli bomdlalo wenguqu baphakathi kokudana kulandela ukubhubha kuka Nkululeko Sibanda obengumnini weqembu le Twalumba FC. USibanda obeleminyaka engamatshumi amane lambili, 42, ubhube ngoMgqibelo esibhedlela se Parirenyatwa eHarare.
Odokotela bathi imbangela yemfa yakhe ayikazakali kodwa ubesesibhedlela okwesikhatshana. USibanda utshiye umkakhe, u Mirriam, ongumgcinisihlalo wenhlanganiso yenguqu yabesifazane, i Zimbabwe Women Football Association. Akukazakali ukuthi uzabekwa nini njalo ngaphi.
USibanda ubengusomabhizimusi obekhokhela inkampani ye Twalumba Holdings.
Sixoxe lengcwethi kwezemidlalo yenguqu, u Ezra Tshisa Sibanda ukuze sizwe okunengi ngaloludaba.
Your browser doesn’t support HTML5
Ingxoxo loMnu. Ezra Tshisa Sibanda