UMongameli waseMelika uMnu Joe Biden usesule wonke amacala abesetheswa indodana yakhe uHunter phambilini kokusuka kwakhe embusweni esededela uMongameli omutsha uMnu Donald Trump ngoZibandlela.
Lanxa eke wafunga ukuthi kasoze akwenze lokhu, uBiden wethule umbiko ngeSonto esithi uthethe lelinyathelo ngoba unanzelele ukuthi ukubotshwa lokuthonisiswa kwendodana yakhe kwenziwe yizitha zakhe ngezizatho zombusazwe.
UHunter ubesemelele ukugwetshwa ngemva kokufunyanwa elamacala abalisa elokuthenga umbhobho ngaphandle komthetho lokwehluleka ukubhadala imithelo edlula kusigidi samadola, US$1.4 million.
UTrump ukusolile kakhulu okwenziwe nguBiden esithi yikwephula imthetho.
Kodwa laye uTrump wenza okufanayo ekungeneni kwakhe embusweni kuqala lapho akhulula khona ubabazala wendodana yakhe labanye ababekuhulumende wakhe abafana loMichael Flynn.
Ingcwethi kwezombusazwe uMnu Effie Dlela Ncube utshele iStudio 7 ukuthi okwenziwe nguBiden kuzakupha uTrump igunya lokukhulula abasekeli bakhe emajele ababangela udlakela edale lePhalamende eminyakeni emine edluleyo bezama ukuvimba ukungena kukaBiden embusweni.
Your browser doesn’t support HTML5
Ingxoxo loMnu Effie Dlela Ncube