UMongameli wakwele China, uMnu. Xi Jinping ubikwa esayine izivumelwano ezilitshumi lohulumende wele Zimbabwe.
Umongameli Xi Jinping weleChina lomkakhe uNkosikazi Peng Liyuan
Umongameli wakwele China uhamba lomkakhe unkosikazi Peng Liyuan. Wemukelwa ngomunye wakhe, umongameli Robert Mugabe laye oze lomkakhe unkosikazi Grace egcekeni lendizamtshina labaphathintambo bengatsha zikahulumende kwahlatshelwa ingoma yelizwe.
Bezikhona iziphathamandla zikahulumende ezigoqela umpathintambo wezemali umnumzana Patrick Chinamasa ochaze uhambo lukamongameli Jinping njengendlela yokugcwalisa ukukhulumisana obekukhona phakathi kwenkokheli yamazwe omabili kwezokuthengiselana lokuzolobelana kwezivumelwano.
Ukwethekelela kukamongameli Xi Jinping eZimbabwe
Uphiwe inhlonipho yaphezulu umongameli Jinping, eye 21 Gun Salute. Baze ngobunengi abasekeli beZanu Pf, ukuzakwamukela uJinping, becula ingoma ebezincoma umongameli Mugabe kanye laye.
Ukwethekelela kukamongameli Xi Jinping eZimbabwe
Bebemi nxazonke zomgwaqo,kusukela egcekeni lendizamtshina ye Harare International Airport,ungena edolobheni, bathwele ama flag amazwe womabili.
UMnu. Jinping ukhangelelwe ukuthi esuka eZimbabwe alubhekise kweleSouth Africa ukuyangena umhlangano weFOCAC, ohlose ukuqinisa ubudlelwano bamazwe eAfrica leleChina.
Your browser doesn’t support HTML5
Udaba Silethulelwa nguMavis Gama
Ukuza elizweni kukamongameli wakwele China lo, sekulethe injabulo enkulu kuhulumende weZimbabwe othwele nzima ngokuzama ukuhuga osomabhizmusi bemazweni.
Ukwethekelela kukamongameli Xi Jinping eZimbabwe
UJinping ubikwa eze elizweni lequla elikhulu labosomabhizmusi. Ukusayinelana amabhizimusi okwenziweyo ngabosomabhizimusi be China labe Zimbabwe kucatshangelwa ukuthi kungadala imisebenzi.
Kodwa ingcwethi kwezomnotho, uMnu. Anglistone Sibanda utshele iStudio Seven ukuthi abakwele China abayandisanga ukudala imisebenzi kodwa bafuna ukuhuquluza inotho.
Your browser doesn’t support HTML5
Ingxoxo loMnu. Anglistone Sibanda