UMongameli Mugabe ubikwa alile ukuhlangana lomela idale leCongress eleMelika, uMnu. Donald Payne obethekelele eleZimbabwe okwensuku ezimbili, usuke eZimbabwe ngolweSihlanu elubhekisa ekhaya.
Isiphathamandla sesigodlo seMelika eZimbabwe, uMnu. Tim Gerhardson, uthe uMnu. Payne uhlangane lenhloko kahulumende, uMnu. Morgan Tsvangirai lenkokheli yenhlanganiso ezizimeleyo kuhambo lwakhe obelujonge ukuholisisa umumo welizwe kulandela ukubunjwa kukahulumende womanyano.
Ingcwethi kwezombusazwe, uMnu. Rejoice Ngwenya utshele uChris Gande weStudio 7 ukuthi uMugabe ubona wonke umuntu olembono ehlukene leyakhe eyisitha.