Umongameli Robert Mugabe uthi kavumelani labathi umongameli welizwe kumele abuse okwamahlandla amabili kuphela.
Esethula amazwi akhe embuthanweni womanyano wamazwe ezwekazi le Africa, owe African Union oyenzelwe kwele South Africa ngempelasonto uMugabe, osebuse okweminyaka engamatshumi amathathu lanhlanu, uthe nxa abantu besafuna umkhokheli kumele aphiwe amanye amathuba.
UMugabe,onguye umgcinisihlalo walumanyano, uphinde wasola njalo amazwe asekela isinqumo esathathwa ngumanyano we United Nations esokuhlasela ilizwe le Libya ngomnyaka ka 2011.
Amazwe ayekumanyano lo ngele Nigeria lele South Africa. Kodwa okusuke kwabaludaba egudwini kulumhlangano yisinqumo esithethwe ngumthethwandaba wakwele South Africa sokuthi umongameli Omar Al Bashir wakwele Sudan kumele abotshwe ngoba efunwa ngumthethwandaba we International Criminal Court.
U-Al Bashir wetheswa icala lombuqazwe esiqintini se Dafur khonale eSudan. Ukuhlaziya loludaba, uChris Gande weStudio Seven uxoxe lengcwethi ecubungula ezombusazwe, uMnu. George Mkhwananzi.
Your browser doesn’t support HTML5
Ingxoxo loMnu. George Mkhwananzi
Umthethwandaba weHigh Court owe South Africa uthi udaniswe yikuthi iziphathamandla zalelolizwe zekele uMongameli Omar Al Bashir wakwele Sudan esuka elizweni yena ubemele abotshwe.
Umahluli uMnu. Dunstan Mlambo uthe uzethula izizatho zokupha isinqumo sokuthi u Al Bshir bekumele abotshwe. Inhlanganiso ye Southern African Litigation Centre yiyo eyethula udaba lokubotshwa kuka Al Bshir. Ingcwethi ecubungula ezombusazwe, uMnu. Zenzo Nkomo utshele iStudio Seven ukuthi bekungalula ukuthi u Al Bashir abotshwe.
Your browser doesn’t support HTML5
Ingxoxo loMnu. Zenzo Nkomo