UMongameli Robert Mugabe ulubhekise kwele India emhlanganweni we India – Africa summit, watshiya omunye wabasekeli bakhe, uMnu. Phelekezela Mphoko enguye ophethe intambo.
UMugabe, osesuke elizweni kuhambo ezedlula amatshumi amane wonalumnyaka ubeseke wahlala elizweni kusukela ngenyanga edluleyo lapho kade engapha kweleMelika emhlanganweni we United Nations General Assembly.
U Mugabe ubikwa ubekhatshwe liqula elikhulu eligoqela abaphathintambo abambalwa. Lumhlangano wawumele wenziwe ngomnyaka odluleyo kodwa wadluliselwa phambili kulandela ukuqhamuka komkhuhlane we Ebola.
Uhulumende ubikwa ezakwenza izivumelwano ezimbala esimqoka sakhona singesebhanga le Export Import Bank of India, samadola phose izigidi ezilikhulu-$87million eyokuvuselela isititshi sikagetsi agaywa ngamalahle eye Bulawayo Thermal Power Station.
Umphathintambo wezemali, uMnu. Patrick Chinamasa, ongomunye okuqula likaMugabe kweleIndia nguye obekhangelelwe ukusayina emele uhulumende weZimbabwe.
Umkhokheli wenhlanganiso yabosomabhizimusi eye Confederation of Zimbabwe Industries, uMnu. Busisa Moyo uyalisekela inyathelo lesivumelwano seIndia lesi.
"Loku kulakho ukuphathisa umnotho welizwe ngoba osomabhizimusi bakwamanye amazwe labo sebezeza ngobunengi ngoba sebebone abanye besiza," kutsho uMoyo.
Your browser doesn’t support HTML5
Ingxoxo loMnu. Busisa Moyo