Ontanga be Zanu PF banqume ukuba akekho ongabusa eleZimbabwe ngaphandle kuka Mongameli Robert Mugabe. Ontanga laba bathi lokho kungehlula abebutho kuzamele babuse lelilizwe, kungehlula njalo kuzakungena bona ontanga. Ngasikhathi sinye umgcinisihlalo ebandleni le Zanu PF u Ambassador Simon Khaya Moyo khuthaza labo ntanga ukuba bakhuthale ekuvikeleni ilizwe labo. Kubika intathelizindaba yethu u Mavis Gama.
Kunjalo nje, intsha yecele leMDC elikhokhelwa nguMnu. Morgan Tsvangirai ithi lanxa inganxuswanga emhlanganweni lo ibingeke yaya ngoba ingavumelani lenjongo wayo.
Unobhala jikelele wogatsha lwabasakhulayo kubandla leli, uMnu. Promise Mkhwananzi utshele uChris Gande weStudio 7 ukuthi akaboni lumhlangano uphathise uzulu weZimbabwe.