UMongameli Robert Mugabe umangalise abanengi lapho esekela izenzo zikankosikazi wakhe edilini lokunanza ilanga lakhe lokuzalwa ngoMgqibelo.
Kubikwa bekuphithizela njalo kudliwa ezimnandi edilini elenzelwe eMasvingo. Bekulamakhekhe ambalwa abalisa elinye elakhiwe njengamanxiwa eGreat Zimbabwe. Konke lokhu kubikwa kube yindleko yamadola phose isigidi.
Lanxa abanye bebecabangela ukuthi kasoze asekele hlangothi kudaba lokudonselana amandla kubandla leZanu PF okwetheswa unkosikazi wakhe icala lokusekelana lelinye lamaxuku adonselana amandla, uMongameli Mugabe usole abathi umkakhe nguye oyisisusa senkinga ezisebandleni lakhe.
UMugabe usole kakhulu ontanga abasola umkakhe. Uphethe lezinye indaba ezibambalwa ezibalisa ukusilela kwemisebenzi lezijeziso zenotho.
Kodwa abanye, ikakhulu abahlala eMasvingo bathi bebekhangelele ukuthi uzaphatha kabanzi indlala esingene esigabeni lesi kunye lezinye indawo zelizwe jikelele kodwa uphongukugudla nje kancane udaba lwendlala kodwa waphatha kabanzi ezinye ezokufuthelana pakathi kwebandla lakhe.
Ukuhlaziya loludaba uChris Gande we Studio Seven uxoxe lelunga le Central Committee yeZanu PF, uMnu. Joseph Tshuma othi inengi likhohlwa ukuthi ilanga leli lithiwa 21st February Movement likhangelelwa ukuthi ngelabontanga.
Your browser doesn’t support HTML5
Ingxoxo loMnu. Joseph Tshuma