UMongameli Emmerson Mnangagwa usebethe umhlaka 27 Mabasa njengosuku lokuqhuba ukhetho lwama by-elections eMount Pleasant leHarare East.
Ingcwethi kwezombusazwe zithi ukuqhuba ukhetho eZimbabwe sekuyikudlalisa isikhathi lemali njengoba abantu bengasaphumi ngobunengi basiyavota.
Ukhetho lolu luza kulandela ukutshiya izikhundla zephalamende nguMnu. Markham Rusty loNkosazana Fadzai Mahere mhlaka 20 Nhlolanja belandela umkhokheli wabo uMnu. Nelson Chamisa owatshiya ubukhokheli bebandla eliphikisayo eleCitizens Coalition for Change (CCC) esithi isiqanjulwe libandla leZanu PF.
UMnu. Sengezo Tshabangu ozithi ungunobhalala jikelele webandla leCCC, waxotshisa amalunga ebandla leli edale lephalamende esithi bangena ezikhundleni ngudlu.
Umnu Tshabangu usanda kugcotshwa ukuba ngusenetha kuyonaliviki, kulandela ukuzikhetha yena labanye ukuthi bathathe izikhundla zalabo abaxotshisayo.
Ekhuluma leStudio7, ingcwethi yezombusazwe njalo engunobhala webandla leFreedom Alliance uMnu Nhlanhla Ncube uthe balutshwane abazavota njengoba abantu bengethembi ukhetho lweZimbabwe.
SEE ALSO: Ingxoxo loMnu Nhlanhla Ncube