Abakhokheli bamazwe akumanyano weSadc abagoqela uMongameli Emmerson Mnangagwa bazaqhuba umhlangano ophuthumayo ngoLwesine owokukhulumisana ngempi yakweleDRC.
Obona ngokwethulwa kwembiko kulumanyano uNkosazana Barbara Lopi uthi umhlangano lo uzakwenzelwa enkundleni zokuxhumana ngomabonakude njalo uzakhokhelwa nguMnangagwa, ongumgcinisihlalo weSadc.
Umhlangano lo uzahlaziya izixwayiso eziphume emhlanganweni wogatsha lweSadc Troika phezu kwempi le ngeviki edluleyo.
Ukulwisana lokhu kuphakathi kwamabutho kahulumende weDRC labahlamuki beqembu leM23 ababikwa besekelwa nguhulumende wakweleRwanda.
Kodwa eleRwanda liyakulandula lokhu.
Ocubungula ezombusazwe ofundisa kweleBhilithani uMnu Mthulisi Mathuthu utshele iStudio 7 ukuthi kulutshwana nxa kukhona okungenzisa yiSadc iyoya ukuqeda impi ykweleDRC.
Your browser doesn’t support HTML5
Ingxoxo loMnu Mthulisi Mathuthu