Lanxa uzulu weZimbabwe ekhala ngobunzima obudalwe yindlala lokonakala komnotho, uMongameli Emmerson Mnangagwa uthi inhlalakahle yabantu ithuthukile lonyaka njalo lenhlangothi zonke zomnotho ziyadlondlobala.
UMnangagwa wethule amazwe la ngoLwesine ngemva komhlangano wedale lebandla lakhe elimqoka, oweZanu PF Politburo.
Uthe uhulumende wakhe usebenza gadalala ukuthuthukisa ilizwe loba nje esithi inhlelo ezinengi ziphazanyiswa yizijeziso zenotho athi zetheswa ilizwe ngamazwe afana leMelika.
Kodwa abamandla aphikisayo bathi abavumelani lamazwi kaMnangagwa ngoba umphakathi ubhekane lobunzima bokutshabalala komnotho obuphehlwe yikwehluleka kukahulumende wakhe.
"Ngingabala githi abantwana beZimbabwe abasebenzayo bayi-30 percent kuphela," kutsho uSenator wesigaba seMatabelaland South, okubandla leCCC uMnu Solani Njemnyama Moyo.
Your browser doesn’t support HTML5
Ingxoxo loMnu Solani Njemnyama Moyo
Ingcwethi kwezombusazwe uMnu Effie Dlela Ncube laye uthe, "Amazwi akhulunywa nguMongameli awahambisani lakancane lokwenzakala empilweni zabantu nsukuzonke."
Your browser doesn’t support HTML5
Ingxoxo loMnu Effie Dlela Ncube
Kodwa ummeli wePelandaba-Tshabalala ePhalemende njalo elilunga leZanu PF uMnu Joseph Tshuma uthi uyavumelana loMnangagwa ngoba zinengi inhlelo zentuthuko eseziqhutshwe nguhulumende wakhe.
Your browser doesn’t support HTML5
Ingxoxo loMnu Joseph Tshuma