UMongameli Emmerson Mnangagwa uhlangane lenkokheli yomdabu koBulawayo esigodlweni sakhe eseState House behlaziya ukuba luphathwe njani udaba lombhuqazwe weGukurahundi.
Uzulu wemhlubulweni weMandebeleni uthi lanxa esamukela inyathelo likaMongameli Mnangagwa lokukhulumisana kabanzi labantu balumango ngodaba lweGukurahundi kunengi okusamele kwenziwe okumele kuqalise ngokuxolisa ebantwini abalahlekelwayo ngalumbuqhazwe.
UMnu Mathew Sibanda isakhamuzi sakoBulawayo eyisiphathamandla njalo sebandla leZapu, uxwayisa ukuba lumsebenzi kumele uphathwe ngonanzelelo olukhulu.
“Ukungenela kwenkokheli zomdabu kulungile inqoba bezakwenza into eziqondene Labantu kodwa sithi bengasebenzi ngendlela abasebenza ngayo ngesikhathi sokhethi kodwa benze into ezizasiza abantu ngoba bezinkokheli eziphila Labantu abaziyo njalo ukuba kwenzakalani.”
Esinye njalo isakhamuzi sakoBulawayo uMnu Norman Makhafula uvumelane loSibanda ethi ngempela kunengi okumele kuqale kulungiswe.
“Abantu badinga ukubakwazi ukuthi kwahambanjani babulawelwani kwahambanjani. Inengi alazi lutho kodwa bazintandane babulawelwa abazali ngakho kumele bazi ukuthi kwahambanjani uhulumende okhona kumele abone ukuba uyakulungisisa kuhlawulwe.”
I-Studio 7 ayenelisanga ukukhulumisana lamakhosi lezinduna ngabakuhlafunileyo njengoba umhlangano wabo awuvumelanga uzulu lentathelizindaba ukuba zibe khona.
Kunjalo nje, ngaphambilini komhlangano lenkokheli yomdabu, uMongameli Mnangagwa ugcobe abafundi abagqibe izifundo ekolitshini leNational University of Science and Technology, koBulawayo.
Your browser doesn’t support HTML5
Udaba lomhlangano kaMnangagwa lenkokheli yomdabu siluphiwa nguAnnahstacia Ndlovu