Umongameli Emmerson Mnangagwa uhlangane lomanyano wenhlangansiso ezilwela ilungelo loluntu oweMatabeleland Collective ngoMgqibelo, lapho okuhlafunwe khona udaba lweGukurahundi, ukungcwatshwa kutsha kwababhubha ngalesi isikhathi, kanye lokusiza abangelancwadi zokuzalwa ezama birth certificates ngenxa yaloludaba.
Uphinde wahlangana leziphathamandla zekhansili yakoBulawayo, lapho okuhlafunwe khona udaba lokusilela kwamanzi kulelidolobho.
Ngemva kwalumhlangano, isiphathamandla seMatabeleland Collective uNkosikazi Jenni Williams, okhokhela iWomen of Zimbabwe Arise, utshele intathelizindaba ukuthi umongameli Mnangagwa uthe abantu bazathola lula incwadi zama birth certificates kungelambadalo.
Kodwa uMnu. Dumisani Nkomo, olwela ilungelo loluntu, uthi waphuma kumanyano weMatabeleland Collective lezinye inhlanganiso ezilitshumi lane ngoba sebebonile ukuthi uhulumende ulutshya indiva udaba lweGukurahundi.
Your browser doesn’t support HTML5
Ingxoxo loMnu. Dumisani Nkomo