Ngemva kwenyanga ephume kumkhankaso wokhetho lukamongameli weMelika, uMongameli Joe Biden ngoMvulo wethule umbiko wokuxhasa umsekeli wakhe uNkosikazi Kamala Harris phambi kwenkulungwane zabasekeli bebandla lakhe abathe gwaqa eChicago emhlanganweni omkhulu oweDemocratic National Convention.
UBiden wethulele abantu imbali yakhe njalo wakhuluma ngabakufezayo lomsekeli wakhe ngesikhathi etshiyela uNkosikazi Harris ubukhokheli bebandla leDemocratic Party.
Owayengumongameli weMelika uMnu. Barack Obama ukhangelelwe ukuba uzakukhuluma emhlanganweni lo ngoLwesibli ntambama.
Ozamela ibandla leDemocratic Party kukhetho lokudinga umongameli uNkosikazi Harris ukhangelelwe ukuba uzakwethula umbiko wakhe ngoLwesine.
Ozamela ibandla leRepublican Party kukhetho oluzaqhutshwa ngoLwezi lonyaka, uMnu. Donald Trump, laye uqhubeke ngomkhankaso wakhe ngoMvulo ePennyslvania lapho akade ekhuluma ngezomnotho.
UMnu. Tim Muringai, isizalwane seZimbabwe esihlala eMelika, utshele iStudio7 ukuthi abasekeli beDemocratic Party babuthanele lumhlangano beledlabuzane kulandela ukuvuselelwa kwalo.
SEE ALSO: Ingxoxo loMnu Tim Muringai.