Umphathintambo wezemali, uMnu. Patrick Chinamasa, ukhangelelwe ukwethula amazwi aphathelane lendlela esetshenziswe ngayo imali kuluhlu lukahlumende olomnyaka wonalo, iMid-Term Fiscal Policy Review ngoLwesine.
Kumnyaka wonalo uChinamasa wethula uluhlu lwendleko zikahulumende olulamadola angamabhiliyoni amane.
Kuluhlu lolu ugatsha lwezemfundo yilo olwathola imali enengi eyizigidi ezingamakhulu ayithoba minwe mibili, $810 million.
Ingcwethi ecubungula ezomnotho, uMnu. Masimba Kuchera, uthe uChinamasa ulomthwalo omkhulu.
"Ngibona njengathi ubaba uChinamasa ulandela nje umthetho ukuze engatholakali esephula umthetho ngokungenzi lokhu," kutsho uKuchera.
UKuchera uthe kukhanya kuzakuba lodubo lokubhadala izisebenzi imali yebonus.
Uthe imali engena kusikhwama sikahulumende ilutshwana kakhulu.
Your browser doesn’t support HTML5
Ingxoxo loMnu. Masimba Kuchera