Isiphathamandla sebandla leMDC Alliance uMnu. Makomborero Haruzivishe ukhulwe ngoMgqibelo entolongweni ngemva kokuhlala okwenyanga eziyisitshiyagalolunye kulandela icala aletheswayo elokuthumba izisebenzi zenkampani yeImpala Car Rentals.
Inkampani le yasolwa ngabalwela ilungelo loluntu lamabandla aphikisayo besithi imota zayo zaphetheka kusehlakalo sokuthunjwa kukaMnu. Tawanda Muchehiwa osakhulayo, owatshaywa kakubi walinyazwa ngabacatshangelwa ukuthi ngabacuphi bakahulumende.
Wetheswa amanye njalo amacala ambalwa, futhi wake wakhululwa ngesibambiso se bail ukuthi athoniswe engekho entolongweni kodwa kasaphumanga ngoba umantshi waphikisa leso isinqumo.
Umsekeli wesikhulumeli sebandla leMDC Alliance uMnu. Gift Siziba uthi bekulengxaki ezithile ezibangele ukuthi engakhululwa ngoLwesihlanu njengokunquma komthethwandaba. Uthi amapholisa ake ethusela abantu abakade behlabela begida belindele ukuthi akhululwe ngoMgqibelo.
UMnu. Siziba uthi elinye ilunga leMDC-Alliance uMnu. John Mupanduki okucatshangelwa ukuthi wathunjwa, ulokhe engabonakali. Wengeze wathi sebethume abantu ukuthi badingisise ngaloludaba njalo bazakwethula umbiko ngabakufumeneyo.
Your browser doesn’t support HTML5
Ingxoxo loMnu. Gift Siziba
Azweni ingxoxo esiyiqhube loMnu. Siziba besalindele ukuthi uMnu. Haruzivishe akhululwe.