Owayemela iSaint Mary’s edale lephalamende, uMnu. Job Sikhala, owebandla le MDC-T ubotshiwe ngoLwesine emngceleni weBeitbridge lanxa kungakaziwa ukuthi wetheswa cala bani kodwa kucatshangelwa ukuthi licala lokuthi wayefuna ukubulala umongameli Mugabe.
Amaphephandaba kahulumende abelemibiko ethi amapholisa alobufakazi bamazwi kaSikhala exoxisana leziphathamandla zeZanu PF esithi uMongameli webandla lakhe, uMnu. Morgan Tsvangirai ufuna ukuzwa ukuthi uhlelo lokubulala uMugabe selukusibanga siphi.
Kodwa uSikhala, yena obengekho elizweni, walandula limbiko ebulenjini be Facebook.
USikhala ubikwa wahlangana leziphathamandla ze Zanu PF ezibalisa uMnu. Fidelis Fengu laye oseke wabuzisiswa ngodaba lolu ngamapholisa.
Iphephandaba le Herald lathi kulobufakazi bokuthi uSikhala wayengomunye wababeqoqa ukususa uMongameli Mugabe ngokumbulula bafake uNkosikazi Joice Mujru esikhundleni sakhe uMnu. Tsvangirai abe yinhloko kahulumende.
Esinye isiphathamandla se Zanu PF laso esetheswa icala linye, uMnu. Nicholas Goche ubikwa esesibhedlela kulandela imbiko le ebikwa imtshiye ele stress.
Ipholisa eliphendule umakhalekhukwini kaMnu. Sikhala litshele iStudio Seven ukuthi baphakathi kokumbuzisisa kathesi ntambama..
Sixox lengcwethi ecubungula ezombusazwe, uMnu. Walter Nsununguli Mbongolwane.
Your browser doesn’t support HTML5
Ingxoxo loMnu. Walter Nsununguli Mbongolwane