Owake waba ngumphathintambo wezemali kuhulumende womanyano, onguye njalo umkhokheli webandla le People’s Democratic Party (PDP ), uMnumzana Tendai Biti uthi isilinganiso sokuthuthuka komnotho sizakwehla ngesilinganiso sokuthathu ekhulwini -3% ngomnyaka ozayo.
Umkhokheli wePDP Umnumzana Tendai Biti
Lokhu kuphambana lokubikwe ngumpathintambo wezemali, uMnumzana Patrick Chinamasa otshele uzulu kunsukwana ezisanda kwedlula, esethula, i-budget yalonyaka, ukuba umnotho ukhangelelwe ukuthuthuka ngesilinganiso phose ngokuthathu ekhulwini (2,7%) kubangelwa yizizatho ezimbalwa ezigoqela ukungani kuhle kwezulu kanye lokusilela kwamandla kagetsi.
Emhlanganweni webandla lakhe lePDP umnumzana Tendai Biti
Phezu kokuhlela imali engekho, uBiti uthi uhulumende ukwenze ngendlela engekho emthethweni njengoba laleyomali phose amabillion amathathu amadollar, ehlelwe ukusetshenziswa ngomnyaka ozayo, ingeneli.
Abebandla leli bathi bayamzwela uChinamasa ngoba kungekho angakwenza kuveza umsekeli womkhokheli we PDP Samuel Siphepha Nkomo.
Umsekeli webandla lePDP Umnumzana Sam Sipepa Nkomo
Kungumusa kaNkulunkulu ukuba abantu elizweni besanelisa ukuphila lanxa izinto zimi manzonzo kwezomnotho kuveza uNkomo.
Yinye kuphela indlela engaletha inguquko kwezomnotho elizweni okubalisa ukulungisisa okuyikho okubuyisela muva lintuthuko kuveza uMnumzna Mlondolozi Ndlovu isakhamuzi sase Harare.
Abebandla le PDP bathi usehlulekile uhulumende weZimbabwe ngokukhokhelwa ngumongameli Robert Mugabe, ukuthuthukisa umnotho welizwe.
Nxa kungasathathwanga amanyathelo azwayo okulungisisa umnotho welizwe obikwa usubuyele muva kuminyaka yabo 1952, ubikwa uzahlutshabalale kuwonalo umnyaka ozayo.
Your browser doesn’t support HTML5
Udaba lwezomnotho siluphiwa nguMavis Gama