Isilinganiso sokuwa komnotho welizwe iInflation ibikwa yehlile kunyanga edluleyo sisuka kokwedlula kancane okune ekhulwini- 4.2% sisiya ku 3.6% ngenxa yokwehla kwentengo yempahla ezigoqela utshwala, lembadalo yemithelo yezindlini, ama utilities.
Isiphathamandla senhlanganiso ye Zimbabwe National Statistics agency uMnu. Moffat Nyoni, ubikwa esithi imuli eyodwa elabantu abahlanu isidinga phose amakhulu amahlanu amadola ukuze ithenge ukudla lokunye okokuziphilisa ngenyanga .
Lokhu kwasungulwa uhlelo lokusetshenziswa kwemali yamanye amazwe, ukuwa komnotho welizwe kubikwa sokunganeno, lanxa izisebenzi zikahulumende zihola imali engangamakhulu amabili amadollar eMelika-US$200, njalo inengi lilokhu lingatholi imisebenzi.
Ehlaziya loludaba, uMnu. Rejoice Ngwenya utshele uSithandekile Mhlanga we Studio 7 ukuthi lanxa umnotho welizwe usuguquke kancane lokhu kwaqalayo ukusetshenziswa imali yakwamanye amazwe, inombolo ze ZIMSTATS zitshengisa ubungcono obungekho elizweni.