Kulabantu abathi uMongameli Emmerson Mnangagwa wenza iphutha elimangalisayo kulandela ukutshele kwakhe umkhokheli wakwele Russia ukuba eleMelika selisekela ngamandla eleZambia lele Malawi ukwenzela ukucaphula eleZimbabwe.
Kodwa bakhona njalo abathi uMnangagwa wayitshaya ekhaleni lobanje kwakungamelanga akutshela uPutin kwaziwe ngabantu bonke.
EleZambia lithi selidingisisa ukuba bazaluphatha njani udaba lolu kuthi eleZimbabwe lithi lokhu lidlelana ngemfanelo lele Zambia.
EleMelika lona lithi kalikafulatheli eleZimbabwe ngoba liqhuba inhlelo ezinengi kulelolizwe.
Ukuze sihlaziye udaba lolu, sixoxe loMnu. Believe Gaule okubandla leZanu PF loMnu. Rejoice Ngwenya ingcwethi kwezombusazwe okunhlanganiso yeCommon Market for Liberal Solutions.
UNgwenya uthi wakhulumela eceleni uMnangagwa okungenza eleZambia lizonde eleZimbabwe.
Kodwa uGaule uthi umongameli uyitshaye ekhaleni.
SEE ALSO:
Ingxoxo Esiyenze loMnu. Believe Gaule loMnu. Rejoice Ngwenya