UMongameli Emmerson Mnangagwa uzahlangana lezinduna zeMatabeleland koBulawayo ngoMgqibelo bekhulumisana ngodaba lweGukurahundi.
Iphephandaba leThe Chronicle lithi uhulumende usekufakazile lokhu.
Izinduna lezi zikhangelelwe ukuqhuba umbuthano wazo namuhla zilungiselela lumhlangano.
Lokhu kwenzakala ngesikhathi ikhomishini ebona ngokukhumisana umlotha, iNational Peace and Reconciliation Commission, layo isenza imihlangano ngokutshiyeneyo, okugoqela udaba lombhuqazwe weGukurahundi,
Uhulumende kaMnu Robert Mugabe wabulala abantu abedlula inkulungwane ezingamatshumi amabili, 20,000, eMatabeleland laseMidlands kulesi sehlakalo ilizwe lisanda kuthola uzibuso.
Umqondisi wenhlanganiso yeIbhetshu likaZulu uMnu. Mbuso Fuzwayo utshele iStudio 7 ukuthi uMnangagwa kasoze enelise ukululungisisa loludaba ngendlela aluphatha ngayo.
Your browser doesn’t support HTML5
Ingxoxo loMnu Mbuso Fuzwayo