UMongameli Emmerson Mnagagwa ufike kweleChina ngoLwesine lapho aveze khona ukuthi uzakhulumisana leziphathamandla zalelolizwe ngokuqinisa ubudlelwano kwezenotho lezombusazwe phakathi kwamazwe womabili.
Kumbiko awethule enkundleni yeX esesabelweni leShenzhen, uMnangagwa uthe uzakwethekelela njalo ezinye izabelo zalelolizwe phambilini kokungena umhlangano omkhulu ophakathi kweleChina lamazwe aseAfrica owe Forum on China-Africa Cooperation ozaqala ngoLwesibili oluzayo uyephela mhlaka 8.
Umhlangano lo ngowokuqinisa ubudlelwano kwezokuthengiselana phakathi kweChina lamazwe eAfrica.
EleZimbabwe lilobudlelwano obujulileyo leleChina futhi amazwe womabili ahlala elobelana izivumelwano kwezokusebenzelana, ikakhulu kwezenotho.
Kodwa abanye bathi eleChina lihuquluza umnotho weZimbabwe bona abantu bakuleli bengatholi lutho olubathuthukisayo.
Olandela ezombusazwe uMnu Mthulisi Mathuthu utshele iStudio 7 ukuthi kulutshwana okukhanyayo uzulu weZimbabwe akutholayo kubudlelwano bamazwe womabili.
Your browser doesn’t support HTML5
Ingxoxo loMnu Mthulisi Mathuthu