UMongameli Emmerson Mnangagwa uthi uhulumende wakhe ubusa ngendlela ehlonipha amalungelo oluntu lombuso okhululekileyo njalo uthi iziphathamandla zeMelika ezingakukholwayo lokhu kumele zize eZimbabwe zizefundiswa ngombuso omuhle.
Ekhuluma kumbiko ofakwe yihofisi yakhe enkundleni yeX, uMnangagwa uthe eleZimbabwe lilizwe elikhululekileyo elivumela amabandla aphikisayo ukusebenza ekhululekile lanxa nje abamabandla aphikisayo behlala bekhala ngokuthi bayahlukuluzwa lokubotshwa mahlayana nguhulumende weZanu PF.
Amazwi kaMnangagwa aza ngemva kokuba uMongameli weMelika uMnu Joe Biden ethese uMnangagwa lezinye iziphathamandla zikahulumende wakhe izijeziso zenotho, ama-sanctions, ngoba esithi bephula amalugelo oluntu futhi batshaphaza inotho yelizwe.
Ilunga lebandla eliphikisa eleCCC uMnu Swithern Chiroodza utshele iStudio 7 ukuthi amazwi kaMnangagwa ayize.
Your browser doesn’t support HTML5
Ingxoxo loMnu Swithern Chiroodza
Kodwa ilunga leZanu PF uMnu Malaki Nkomo, yena uthi amqotho amazwi kaMnangagwa.
Your browser doesn’t support HTML5
Ingxoxo loMnu Malaki Nkomo