WASHINGTON DC —
UMongameli Emmerson Mnangagwa ngoMvulo ukhuthaze uzulu weZimbabwe ukuthi etshiyane lokubandlululana ngemihlobo ukuze kwakhiwe ilizwe abantu benyandanye.
Amazwi akhe aza ngemva kokutshaywa kwezakhamizi esigabeni seTshayane, eNkayi, ngamapholisa ezethesa icala lokuntshontsha.
Inhlanganiso yamagqwetha eyeZimbabwe Lawyers for Human Rights ithi amapholisa abhaxabula abantu laba ebahlabelisa ingoma zesiShona njalo owayesehluleka ukuhlabela kuhle ngokungazi ulimi lolu wayevuthuzwa ngokuphindiweyo.
Isehlakalo lesi sisolwe ngabanengi abagoqela igqwetha uMnu Pardon Tapfumaneyi, yena othi uMnangagwa labanye bakhe abasezikhundleni eziphezulu kumele baqhubeke betshumayela ivangeli lokubambana ngoba ukubandlululana kulimaza isizwe.