WASHINGTON —
UMongameli Emmerson Mnanaggwa usesuse uMnu. Frederick Shava esikhundleni somphathintambo kahulumende obona ngokudlelana lamanye amazwe olweForeign Affairs wamphosela kugatsha lwezemfundo yaphezulu.
Esikhundleni sika Shava, uMnangagwa usefake uSikhwicamfundo Amon Murwira.
UMnangagwa usanda kwethula umbiko lo ongelangcazelo yokuba ukwenzeleni lokhu.
Akwaziwa ukuba uMnangagwa usoleni kuShava obesemhlanganweni womanyano wamazwe omhlaba wonke oweUnited Nations General Assembly kunsukwana ezedluleyo.
UShava wake wamela eleZimbabwe kumanyano lo kwele Melika.
Kasenelisanga ukukhuluma ngodaba lolu loShava kanye loMnu. George Charamba, isikhulumeli sikaMnangagwa.