UMongameli Emmerson Mnangagwa namuhla uncome kakhulu abebutho leZimbabwe ngesikhathi kuthakazelelwa usuku lwabo olweDefence Forces Day eHarare. Uthe ibutho lizama ngamandla wonke ukuvikela abantu beZimbabwe.
UMnangagwa uthe kunengi okwenziwa libutho leZimbabwe eTsholotsho, Nyanga lezinye izigaba, okumele kuqakathekiswe nguzulu.
Zimbabwe Defence Forces Day
Ekhuluma embuthanweni lo, umphathintambo kahulumende obona ngezentuthuko.
‘’Ngifuna ukuthi amhlophe abebutho le ZDF ngokwenelisa ukufikela ilizwe lethu, abantu balo kanye lezifiso zalo.”
UNkosikazi Sithembiso Nyoni, uthe banengi abesifazane abangena kubutho kulez’insuku.
Zimbabwe Defence Forces Day
‘’Benza imsebenzi emangalisayo. Kulabanye ababamba imbombo baba ngama commander, kuthi abanye abanze imsebenzi yokuthi befundise abantwana, lokwelapha abantu, abanye yibo abadinga impahla ukuthi abadubekayo bagqoke
Kulabanye abathi ibutho lingenela kakhulu kwezombusazwe. Omunye wabo nguMnu. Charles Nyoni owayesebenza kunhlanganiso yeOccupy Africa Unity Square eyayikhokhelwa ngowanyamalalayo uItai Dzamara, uthi ibutho lingenela kakhulu kwezombusazwe.
‘’Nxa amabutho esebonakala engenela indaba zombusazwe kuyasidanisa thina abalwela amalungelo kazulu njalo sifuna ilizwe lithu likhululeke.’’
Loba kunjalo, banengi abadinga imisebenzi minyaka yonke kubutho leZimbabwe.