UMongameli Emmerson Mnangagwa ngoLwesithathu wethule umbiko esenzela uMnu Donald Trump amhlophe kulandela ukunqoba kwakhe kukhetho lukaMongameli weMelika.
“Sihalalisela uDonald Trump ngokunqoba kukhetho. Umhlaba udinga abaholi abanengi abakhulumela abantu,” kutsho uMnangagwa eloba enkundleni yeX.
“IZimbabwe izimisele ukusebenza lawe kanye labantu baseMelika ukwakha umhlaba ongcono, ophumelelayo njalo olokuthula.”
Abebandla leZanu PF bathi bafisa ukuthi uTrump esule izijeziso zenoptho ezetheswa iziphathamandla zebandla leZanu PF yiMelika, ezigoqela uMnangagwa.
Kambe uTrump ulakho na ukwesula izijeziso lezi njengoba engakwenzanga lokhu kuqala eze engine embusweni?
Ilunga leZanu PF uMnu Believe Gaule utshele umsakazo weStudio 7 ukuthi uyajabula ngokunqotshwa kukaNkosikazi Kamala Harris owebandla lemaDemocrats.
Sixoxe njalo lesikhulumeli selinye lamacele ebandla eliphikisayo eleCCC uMnu Promise Mkhwananzi, yena othi kunengi eleZimbabwe okumele likufunde kundlela okuqhutshwe ngayo ukhetho lweMelika.
Your browser doesn’t support HTML5
Ingxoxo loMnu Promise Mkhwananzi