UMongameli Emmerson Mnangagwa ukhangelelwe ukuba ngoMvulo uzakuya emhlanganweni omkhulu awehluleka ukuhamba kuwo ngoLwesihlanu kulandela ukwethuselwa ngowathi kulebhomba elithinywe eVictoria Falls Airport.
Uhulumende ubika ukuba uMnangagwa uzakwethula amazwi aqakathekilayo emhlanganweni lo ohlaziya ezokuphehlwa komlilo kagesi lokunye.
Wehluleka ukuyafika emhlanganweni lo sokwethulwe umbiko owafakwa ebulenjini ngozibiza ngokuthi nguJohn Doe esithi kuthiywe ibhomba emagcekeni endizamtshina eVictoria Falls.
Indizamtshina eyayithwele uMnangagwa yacina ibuyela eHarare.
Kulandela isehlakalo leso, uMnangagwa wasusa uAir Marshall Elson Moyo esikhundleni. Kachazelanga uzulu ukuba kwahamba njani.