UMongameli Emmerson Mnangagwa ulobele uMongameli Joe Biden weMelika incwadi esithi eleZimbabwe lima leleMelika ekusoleni imizamo yokubulala oncintisa kukhetho lukaMongameli emele ibandla lamaRepublicans uMnu Donald Trump, yena odutshulwe esemhlanganweni wokudinga usekelo ngeviki edluleyo.
UTrump udutshulwe ngowesilisa oleminyaka yokuzalwa engamatshumi amabili, 20 years, yena owahle wadutshulwa laye ngamapholisa wafa.
UMnangagwa ufisele uMnu Trump labanye abalimalela kusehlakalo lesi ukuphola okuphuthumayo njalo wethule amazwi enduduzo emulini yowesilisa owafayo.
Amazwi kaMnangagwa aza ngesikhathi ubudlelwano phakathi kweMelika leZimbabwe buqhubeka bungahambi kuhle ngoba uhulumende weMelika esola oweZimbabwe esithi wephula amalungelo kazulu.
Ingcwethi ecubungula ezombusazwe uMnu Effie Dlela Ncube utshele iStudio 7 ukuthi incwadi kaMnangagwa ayisoze yenze uhulumende kaBiden ancibilike kuubudlelwano bakhe leZimbabwe.