Umkhuhlane wesihudo oqhamuke koBulawayo, ikakhulu elokitshini leLuveve, ubikwa usubulele abantu abayisitshiyagalombili kulelidolobho, ngesikhathi abanye beselatshwa esibhedlela seMpilo leseUnited Bulawayo Hospitals.
Lokhu kuvezwe ngumphathintambo kahulumende edolobheni lakoBulawayo uNkosikazi Judith Ncube okhulume leStudio 7 ngoMvulo ntambama.
Ikhansili yakoBulawayo ibithe gwaqa ngoMvulo emhlanganweni idinga isisombululo kudaba lwamanzi angcolileyo kulelidolbho, abikwa ebangele lesi isihudo.
Umeli weLuveve edale lephalamende, uNkosikazi Stella Ndlovu uthi ubelethuba lokwethekelela abagulayo ezibhedlela njalo wakhulumisana lezinye imuli zabafelwe ngabantwana ngenxa yalesi isihudo.
Uthi usekhulumisane lekhansili yakoBulawayo kanye leziphathamandla zikahulumende kulelidolobho ngaloludaba.
Your browser doesn’t support HTML5
Ingxoxo loNkosikazi Stella Ndlovu
UMnu. Thembelani Dube, isiphathandla senhlanganiso yeBulawayo Progressive Residents Association uthi kufanele abagulayo belatshwe ngaphandle kwembadalo njalo abafelweyo bephathiswe nguhulumende, kusadingwa amacebo okulungisasa loludaba. Uthi inhlanganiso yakhe izakhweza loludaba emthethwandaba okunengi kungehlula.
Your browser doesn’t support HTML5
Ingxoxo loMnu. Thembelani Dube