Ugatsha lwezempilakahle luthi sokuqhamuka umkhuhlane wohudo kwezinye indawo eMashonaland West, Manicaland leChitungwiza, lanxa inani labafunyenwe belawo liphansi.
Ugatsha lolu lwazise njalo ukuthi kulabantu abedlula inkulungwane ezinhlanu -5,000 abafunyanwe belomkhuhlane wohudo kodwa esingelani leCholera. Kulabanye abayinkulungwane lengxenye-1,500, abafunyenwe belomkhuhlane woqhuqho.
Umkhuhlane wohudo oqhamuke ngoNhlolanja nyakenye wahlasela abantu abedlula inkulungwane ezingamatshumi amathathu lane - 34,000, njalo sabulala abedlula amakhulu ayisithupha-600.
Owake wakhokhela inhlanganiso yezakhamizi, eyeProgressive Bulawayo Residents Association, uMnu. Ambrose Sibindi, utshele iStudio7 ukuthi uhulumende kumele aqinise inhlelo zokufundisa uzulu ukuze kuqedwe umkhuhlane lo.
SEE ALSO: Ingxoxo loMnu Ambrose Sibindi.